Íþróttafélagið Dímon náði frábærum árangri í Heildarstigakeppni HSK árið 2024 með því að lenda í 1. sæti með 159 stig. Heildarstigakeppnin samanstóð af 28 héraðsmótum í hinum ýmsu íþróttagreinum. Selfoss varð í öðru sæti með 157 stig og Ungmennafélag Laugdæla í þriðja sæti með 110 stig.
Árangur Dímonar sýnir fram á mikla þátttöku og kraft í starfinu okkar, bæði meðal keppenda og þeirra sem standa að baki hverjum árangri. Þetta er afar ánægjulegt og sýnir að við erum á réttri leið! Við viljum þakka öllum iðkendum, þjálfurum, foreldrum og sjálfboðaliðum fyrir þeirra framlag. Þetta væri ekki hægt án ykkar allra!
Á meðfylgjandi mynd má sjá Sigurð Kristján Jensson, formann Íþróttafélagsins Dímon, með bikarinn góða en með honum á myndinni er Guðmundur Kr. Jónsson heiðursformaður HSK.
Mynd: HSK
